«Тоттенхэм»нинг собиқ бош мураббийи Харри Рэднапп Фрэнк Лэмпард билан Михаил Мудрик борасидаги суҳбати ҳақида гапирди.

«Агар сизнинг клубингиз ҳозир кимнидир 20 миллион фунт стерлингга сотиб олса, сиз шундай деб ўйлайсиз: «Демак, у жуда сифатли футболчи эмас. У, эҳтимол, ўртачадир.

30 миллион учун бу яхши бўлиши мумкин, 40 миллион учун бу сифатлидир.

Фрэнк Лэмпард билан гаплашганимни эслайман, «Челси» Мудрикни тахминан 90 миллионга сотиб олганди. Фрэнк менга шундай деди: «Харри, у жуда тез, у чақмоқдек, лекин у ўйинни тушунмайди».

Айтмоқчиманки, 90 миллион учун у ҳамма нарсани тушуниши шарт», - деди Реднапп.