Мадриднинг «Реал» клуби «Галатасарой» ҳужумчиси Мауро Икардини сотиб олмоқчи эмас.
Аввалроқ, 30 ёшли аргентиналик футболчига вингер Винисиус Жуниорнинг жароҳати сабаб мадридликлар қизиқаётгани ҳақида маълумотлар пайдо бўлганди.
Мадрид клубига ихтисослашган The Athletic журналисти Гильермо Райянинг ёзишича, «Реал Мадрид»га Икардини сотиб олиш таклиф қилинган, бироқ футболчининг агенти «қироллик клуби» бу трансферга қизиқмаётганини аниқ айтган.
Икардининг агенти Элио Леттерио Пино Мадрид клуби билан гаплашганини айтди.
«Реал Мадрид» Икарди бўйича на расмий ва на норасмий таклиф билан чиққани йўқ. Аммо биз «Реал Мадрид» мутасаддилари билан алоқадамиз» - дея агентнинг сўзларини келтиради Fanatik.
