"Манчестер Сити" ярим ҳимоячиси Кевин Де Брюйне жароҳати ҳақидаги саволга жавоб берди.
32 ёшли футболчи мавсум бошида "Бёрнли"га қарши АПЛнинг биринчи турида мушакларидан жиддий жароҳат олиб, сафдан чиққан эди. Бельгиялик футболчи 2023 йил охиригача Пеп Гвардиола жамоасига ёрдам бера олмаслиги аллақачон маълум.
“Ҳаммаси яхши кетмоқда. Менинг тикланишим давом этмоқда, бу бироз кўпроқ вақт талаб этади. Агар ҳаммаси режадагидек кетса, 2024 йил бошланганидан сўнг қайтаман", - деди 2015 йилнинг августидан бери "Манчестер Сити"да ўйнаб келаётган ярим ҳимоячи "Daily Mail" нашрига.