"Манчестер Юнайтед" бош мураббийи Эрик тен Хаг "Эвертон"га қарши (3:0) АПЛнинг 13-тури доирасидаги учрашуви натижаларини сарҳисоб қилди.
"Старт биз учун жуда яхши бўлди. Жамоа гол учун астойдил ҳаракат қилди ва Гарначонинг якуний зарбаси шунчаки жаҳон даражасида эди. Менимча, бу мавсумнинг энг яхши голи. Ажойиб дақиқа.
Шундан сўнг биз пассив ўйнай бошладик, аксинча, "Эвертон" ўйинга киришди. Биз буни танаффусда тузатдик ва жуда яхши кўринаётган эдик. Биз фаол бўлдик, ташаббусни қўлга олдик ва ажойиб голлар урдик", — деди мураббий BBC билан суҳбатда.
