"Астон Вилла" бош мураббийи Унаи Эмери ярим ҳимоячи Дуглас Луисни жамоада сақлаб қолиш ниятида эканлигини яна бир бор таъкидлади. Эслатиб ўтамиз, бразилиялик футболчининг хизматларига Лондоннинг "Арсенал" клуби қизиқиш билдирмоқда.
"Дуглас жуда яхши ўйнамоқда ва унинг паслари жуда ажойиб. У шу ерда бўлишини истардим. Клуб Луисни сақлаб қолмоқчи, лекин менимча, у ҳам қолмоқчи, чунки у бизнинг жамоада бахтли", - деди Эмери "Тоттенхэм" устидан 2:1 ҳисобида ғалаба қозонгандан сўнг матбуот анжуманида.
Аввалроқ "Астон Вилла" Луис учун "Арсенал"дан 100 миллион евро талаб қилиши ҳақида хабар берилганди.
