Англия терма жамоаси ва “Манчестер Юнайтед”нинг собиқ ҳимоячиси Рио Фердинанд Лондоннинг “Арсенал” жамоасининг Премьер-лиганинг жорий мавсумида чемпионлик учун курашиш имкониятлари ҳақида ўз фикри билан ўртоқлашди.
"Канонирлар" чемпионатдаги энг яхши ҳимояга эга. Райс ҳимоячилар олдида ажойиб. Бу жуфтликлар жамоага муваффақият келтириши мумкин. “Арсенал” ва “Ливерпул”ни танласангиз, мен лондонликлардан устун қўяман. Улар "Манчестер Сити"га рақиб бўлишга қодир", - деди Фердинанд London Football билан суҳбатда.
Англия чемпионатининг 13-тури якунларига кўра, Микель Артета шогирдлари турнир жадвалида иккинчи ўриндаги “Манчестер Сити”дан бир очко олдинда бормоқда. “Ливерпуль” учинчи ўринда.
