"Барселона" марказий ҳимоячиси Рональд Араухо "Бавария"нинг трансфер мақсадига айланди.
Мюнхен грандининг уругвайлик футболчига қизиқиши ҳақидаги малумотлар бир неча кун аввал ОАВда пайдо бўлганди. "Sport" хабарига кўра, "Бавария" ҳақиқатан ҳам "кўк-анорранглилар" ҳимоясининг 24 ёшли етакчисига даъво қилмоқда - бу маълумот аллақачон футболчининг атрофидагилар томонидан тасдиқланган. Манбага кўра, футболчига Англия Премьер-лигаси вакиллари ҳам қизиқиш билдирмоқда.
Рональд Араухонинг "Барселона" билан шартномаси 2026 йилнинг ўрталарига қадар мўлжалланган бўлиб, марказий ҳимоячининг нархи Transfermarkt экспертларининг фикрича, 70 миллион еврони ташкил қилади.