Лондоннинг "Арсенал" клуби Аарон Ремсдейл бўйича тушган таклифни рад этди. "Football London" хабарига кўра, Премьер-лига турнир жадвалининг иккинчи ярмидан жой олган клуб дарвозабонни ўз сафига қўшиб олмоқчи бўлган. Шартнома шу қишда якунланиши кўзда тутилган, дарвозабонни сотиб олиш ҳуқуқи билан ижарага олиш масаласи муҳокама қилинган.
Бироқ, "Арсенал" англиялик футболчини таркибда сақлаб қолишни истаётганини аниқ айтди.
Эслатиб ўтамиз, аввалроқ Ремсдейлга ҳозирда АПЛ турнир жадвалининг иккинчи қисмида - 12-ўринда бораётган "Вулверхэмптон" қизиқиш билдираётгани ҳақида хабар берилганди.
