"Коринтианс" ярим ҳимоячиси Габриэль Москардо Европанинг кўплаб топ-клубларининг қизиқишлари рўйхатида турибди.
Журналист Фабритсио Романо берган маълумотларга кўра, бразилиялик футболчи учун "ПСЖ", "Челси" ва бошқа бир қанча инглиз грандлари курашмоқда.
Эслатиб ўтамиз, аввалроқ бразилиялик манбалардан бири Москардонинг "Челси"га ўтиши келишиб олингани ҳақида хабар берган эди, бироқ Романо бу маълумотни рад этди. Италиялик инсайдернинг таъкидлашича, футболчи учун пойга ҳали ҳам очиқ.
Москардога аввалроқ Каталониянинг “Барселона” клуби ҳам қизиқиш билдираётган эди. 18 ёшли Габриэль "кўк-анорранглилар" спорт директори Декуни жуда яхши кўради.
