Ҳозирда Испаниянинг “Жирона” клубида ўйнаётган украиналик 26 ёшли марказий ҳужумчи Артём Довбик Италия чемпионатининг топ-клубида ўйнаш имкониятига эга.
Todofichajes нашри хабарига кўра, ҳужумчига Миланнинг "Интер" клуби қизиқиш билдирмоқда. "Нерадзуррилар" кейинги мавсум бошланишидан олдин ўз таркибини украиналик футболчи билан кучайтирмоқчи. "Жирона" эса ўз навбатида етакчи футболчиларидан бири билан хайрлашишни режалаштирмаяпти.
Довбик “Жирона”га “Днепр-1”дан 7,7 миллион евро эвазига ўтган эди. Томонлар ўртасидаги шартнома 2028 йил июнь ойи охирида тугайди.
Ла Лиганинг жорий мавсумида ҳужумчи 13 та ўйин ўтказиб, 7 та гол ва 4 та голли узатмани амалга оширди.
