Каталониянинг "Барселона" клуби футболчиси Жоау Феликс жорий мавсумдаги мақсадлари ҳақида гапирди.
Эслатиб ўтамиз, Португалия терма жамоаси футболчиси "кўк-анорранглилар" сафида "Атлетико Мадрид"дан ижара асосида тўп сурмоқда.
"Мен бу мавсумда "Барселона" билан совринлар ютмоқчиман. Мен бу ерда бўлганимда имкон қадар кўпроқ завқланишни хоҳлайман. Келажакда нима бўлишини кўрамиз", - деди Феликс Barca Universal билан суҳбатда.
Олдинроқ, "Барселона" спорт директори Деку агар Феликс жорий мавсумда яхши ўйин кўрсатса, раҳбарият уни доимий равишда сотиб олиш учун барча саъй-ҳаракатларини амалга оширишини аниқ айтганди. Худди шу нарса бошқа португалиялик Жоау Канселуга ҳам тегишли.
