"Кристал Пэлас" раҳбарияти бош мураббийни ўзгартириш ҳақида ўйламоқда. Лондон клуби бу лавозимга Стив Куперни номзод сифатида аниқлади. The Times хабарига кўра, "бургутлар" 43 ёшли мутахассисни таклиф этиш имкониятини кўриб чиқмоқда.
Купер ҳозирда “Ноттингем Форест” жамоасини бошқармоқда. Жамоа Англия Премьер-лигаси турнир жадвалида 15-ўринни эгаллаб турибди.
"Кристал Пэлас" эса ўз навбатида турнир жадвалида 13-ўринни эгаллаб турибди. Жамоага 76 ёшли Рой Хожсон устозлик қилади.
"Кристал Пэлас" навбатдаги ўйинини 3 декабрь куни "Вест Хэм"га қарши ўтказади.
