"Эвертон" раҳбарлари Шон Дайчнинг мураббий сифатидаги фаолиятидан мамнун. Клуб 52 ёшли мутахассис билан шартномани узайтириш бўйича музокараларни бошлашни режалаштирганди, бироқ очколар олиб ташланиши билан боғлиқ вазият туфайли музокара қолдирилди, дея хабар бермоқда Daily Mail нашри.
Хабарингиз бор, молиявий қоидаларни бузгани учун “Эвертон”дан 10 очко олиб ташланган. Шон Дайч жамоаси айни дамда турнир жадвалида сўнгги ўринларнинг бирини эгаллаб турибди.
"Эвертон" Премьер-лигадаги навбатдаги ўйинини 2 декабрь куни - "Ноттингем Форест"га қарши сафарда ўтказади.
