Жованни Симеоне ўйнаётган Италиянинг "Наполи" клуби Чемпионлар лигаси гуруҳ босқичининг 5-турида "Реал"га қарши ўйнайди.
Бу аргентиналик футболчи учун асосий ўйин ва у сабабини тушунтирди. Гап шундаки, у “Реал”нинг энг ашаддий рақиби – ўн икки йилдан буён отаси Диего Симеоне бошқариб келаётган "Атлетико" жамоасига мухлислик қилади.
"Бу кейинги босқич учун кураш нуқтаи назаридан "Наполи" учун муҳим ўйин, лекин шахсан мен учун ҳам муҳим. Ахир менинг қалбимда "Атлетико" бор. Мен худди отамнинг мухлиси каби бу клубнинг мухлисиман" - деди кичик Симеоне ITASportPress билан суҳбатда.
