"Арсенал" бош мураббийи Микель Артета нима учун ярим ҳимоячи Леандро Троссарднинг трансферини жамоаси учун фойдали шартнома деб ҳисоблашини тушунтирди. Эслатиб ўтамиз, белгиялик "канонирлар"га қишда "Брайтон"дан 24 миллион евро эвазига ўтганди.
“Мен шартномани молиявий нуқтаи назардан қандай баҳолашни билмайман, чунки мен иқтисодчи эмасман. Аммо мен Троссард ажойиб футболчи эканлигини биламан. У ажойиб истеъдод ва айниқса юқори интеллектга эга, бу унга биз хоҳлаган тарзда ўйнаш имконини беради", - деди Артета матбуот анжуманида.
Жорий мавсумда Троссард Англия чемпионатининг 9 турида 3 та гол урди ва 1 та голли узатмани амалга оширди.
