Давид Силва нима учун «Реал»га эмас, «Манчестер Сити»га ўтганини тушунтирди.

«Нега «Манчестер Сити»ни танладингиз? «Реал Мадрид» менга бир неча бор мурожаат қилганди ва «Сити» ўша пайтда ҳозиргидек бошқалардан ажралиб турмаган.

Биринчидан, улар менга жуда жиддий пул тикишди. Биринчи қўнғироқдан кейин ишонч ва қўллаб-қувватлашни ҳис қилдим.

Иккинчидан, ўша суҳбатларда улар менга лойиҳанинг якуний босқичида қандай ролни эгаллашимни тасвирлаб беришди.

Мақсад Европа гигантларидан бирига айланиш эди ва бугун айнан шундай бўлди ҳам», - деб жавоб берди Испания терма жамоасининг собиқ ярим ҳимоячиси.

Силва 2010-2020 йилларда «Манчестер Сити»да ўйнаган. «Сити» жамоаси таркибида ярим ҳимоячи тўрт карра Премьер-лига чемпиони ва икки карра Англия кубоги соҳибига айланди.

Силва уч марта Англия Суперкубоги ва беш марта Лига кубогини қўлга киритди.