2023/2024 йилги мавсум якунида «Реал Мадрид» мураббийини ўзгартириши мумкин. Карло Анчелоттининг амалдаги шартномаси ёзда тугайди ва миш-мишлар италиялик мураббийни Бразилия терма жамоаси билан фаол боғлашда давом этмоқда.
Transfer News Live нашри журналисти Марио Кортеганага таяниб хабар беришича, «Реал» Роберто де Зербининг ишига қойил қолмоқда. Шу билан бирга Мадрид клуби «Брайтон» бош мураббийи томон олдинга қадам ташламайди.
Қайд этилишича, Анчелотти кетса, «Реал»га асосий номзод Хаби Алонсо бўлади. Испан бошчилигидаги «Байер» ҳозир ажойиб натижалар кўрсатмоқда.
