"Бавария" Чемпионлар лигаси гуруҳ босқичидаги мағлубиятсиз сериясини узайтирди.
Бугун Томас Тухель шогирдлари “Копенгаген” билан дуранг ўйнади – 0:0.
Мюнхен клуби Чемпионлар лигаси гуруҳ босқичидаги мағлубиятсиз сериясини узайтирди - кетма-кет 39 учрашувдан бери мағлубиятга учрамади. "Бавария"нинг рекорд ғалабали серияси 17 ўйинда якунланди.
Охирги марта "Бавария" гуруҳ босқичида 2017 йилда "ПСЖ"дан мағлуб бўлганди. Ўшандан бери немис клуби 35 ғалаба ва 4 дуранг қайд этган.
Сўнгги турда мюнхенликлар меҳмонда "Манчестер Юнайтед" билан ўйнайди.
