Каталониянинг «Барселона» клуби собиқ бош мураббийи Хосеп Гвардиола Мюнхеннинг «Бавария» клубини бошқариши мумкин. Мутахассис немис клуби билан шартнома борасида келишиб олишган, дея хабар бермоқда «Marca» нашри «Sky Sports Italia» маълумотларига таяниб.
Гвардиола кейинги мавсумдан бошлаб жамоа бош мураббийлигидан кетадиган Юпп Хайнкесснинг ўрнини эгаллайдиган бўлди.
Эслатиб ўтамиз, олдинроқ мураббийга Англиянинг «Манчестер Сити», «Манчестер Юнайтед», «Челси» ва Италиянинг «Рома» клублари қизиқаётгани борасида хабарлар тарқалганди.