Фабио Гроссо тўғридан-тўғри "Лион" манфаатлари учун жабр кўрди, аммо бу унга клубдаги ўрнини сақлаб қолишга ёрдам бермади, пайшанба куни "Лион" италиялик мутахассисни истеъфога чиқарганини эълон қилди. Пьер Саже "Лион" клубига вақтинчалик мураббий этиб тайинланди, унга Жереми Бреше, Жан-Франсуа Вулье ва Реми Веркутре ёрдам беришади.
Ҳозир француз футболининг собиқ гегемони Франция чемпионати турнир жадвалида сўнгги, ўн саккизинчи ўринни эгаллаб турибди. Кейинги турда "Лион" меҳмонда "Ланс"га қарши ўйнаши керак, бу ўйин 2 декабрь куни бўлиб ўтади. "Ланс" айни дамда олтинчи ўринни эгаллаб турибди.
