«Реал» бош мураббийи Карло Анчелотти клуб билан муносабатлари яхши эканини айтди.
Эслатиб ўтамиз, сўнгги кунларда Анчелоттининг келажаги мавзуси муҳокама қилинмоқда. Мутахассиснинг «Реал» билан амалдаги шартномаси мавсум охиригача амал қилади.
«Реал Мадрид билан жуда яхши муносабатдаман. Бу ерда ўзимни севишларини ҳис қиламан ва бу менга ишлашда давом этишимга туртки беради», деди Анчелотти матбуот анжуманида журналистларга.
Карло Анчелотти айни дамда «Реал»ни Ла Лига доирасидаги «Гранада»га қарши уй учрашувига тайёрламоқда. Жамоалар 2 декабрь, шанба куни майдонга тушади.
