"Гремио" бош мураббийи Ренато Гаушо ҳужумчи Луис Суарес яқин ҳафталарда жамоани тарк этишини тасдиқлади.

“Бу ҳамма учун жуда ачинарли. Луис Суарес йил бошидан бери шу ерда ва бизга катта ёрдам берди. Мухлислар уни севиб қолишди. У майдонда ҳам, ундан ташқарида ҳам ажойиб профессионал. Баъзида мен унга машғулот ёки ўйинда танаффус беришни хоҳлардим, лекин у доимо давом этишни хоҳларди.

Биз уни соғинамизми? Шубҳасиз. У ҳаммага жуда меҳрибон. Мен дунёнинг энг яхши ўйинчиларидан бири, тўртинчи ўринни эгаллаган ажойиб профессионал билан ишлашдан мамнунман. Келгуси йилда жуда кўп иш бўлади, чунки унинг иқтидори ва қобилиятига эга одамни топиш осон эмас", - дея Гаушо сўзларини келтиради SambaFoot.

Аввалроқ, 36 ёшли уругвайлик футболчи фаолиятини МЛСда давом эттириши ва у ерда "Интер Майами"да ўйнаши ҳақида маълумотлар пайдо бўлганди.