Испаниялик собиқ футболчи Луис Гарсия "Барселона" вингери Рафинья Диасни ҳимоя қилди.

Бразилиялик футболчи жорий мавсумни яхши ўтказмаяпти: у асосий таркибдаги ўрнини йўқотди ва камдан-кам вазиятларда самарали ҳаракат қилмоқда.

“Мен узоқ вақтдан бери Рафиньянинг иқтидорига мухлислик қиламан. У чап оёғи билан жуда ажойиб ўйин кўрсатади. Ўйин давомида тинимсиз ишлайдиган футболчиларни доим қўллаб-қувватлайман.

У имкониятлар яратади, жанг қилади, тўқнашувларда иштирок этади. Мен уни доим ҳимоя қиламан. Бугунги футбол ҳаммадан кўп меҳнат талаб қилади ва "Барселона" учун шундай футболчига эга бўлиш жуда муҳим", - дея Гарсиянинг сўзларидан иқтибос келтиради Barca Universal.