Швеция терма жамоаси ва Европанинг бир қатор топ-клубларининг собиқ ҳужумчиси Златан Ибраҳимович "Милан"га қайтишга яқин турибди. Бу ҳақда журналист Николо Скиранинг ижтимоий тармоқларида хабар берилди.
Инсайдернинг сўзларига кўра, скандинавиялик футболчи тез орада итальян гранди таркибида менежерга айланади. Ибраҳимович зиммасига аниқ қандай масъулият юкланиши ҳозирча ошкор этилмаган.
Эслатиб ўтамиз, Златан ўтган ёзда футболчилик фаолиятини якунлаганини эълон қилганди. Юлдуз ҳужумчи “россонерилар” билан биргаликда 2022 йилда Италия чемпионига айланди.
А Серия жорий мавсумида миланликлар 26 очко жамғариб, 13 турдан кейин учинчи ўринда бормоқда.
