Shvesiya terma jamoasi va Yevropaning bir qator top-klublarining sobiq hujumchisi Zlatan Ibrahimovich "Milan"ga qaytishga yaqin turibdi. Bu haqda jurnalist Nikolo Skiraning ijtimoiy tarmoqlarida xabar berildi.
Insayderning so‘zlariga ko‘ra, skandinaviyalik futbolchi tez orada italyan grandi tarkibida menejerga aylanadi. Ibrahimovich zimmasiga aniq qanday mas’uliyat yuklanishi hozircha oshkor etilmagan.
Eslatib o‘tamiz, Zlatan o‘tgan yozda futbolchilik faoliyatini yakunlaganini e’lon qilgandi. Yulduz hujumchi “rossonerilar” bilan birgalikda 2022 yilda Italiya chempioniga aylandi.
A Seriya joriy mavsumida milanliklar 26 ochko jamg‘arib, 13 turdan keyin uchinchi o‘rinda bormoqda.
