Каталониянинг "Барселона" клуби марказий ҳимоячиси Андреас Кристенсен "кўк-анорранглилар" ўз уйида "Атлетико Мадрид"ни қабул қиладиган Ла Лигадаги турнинг марказий ўйинида жамоасининг асосий таркибида майдонга тушиши мумкин.
Mundo Deportivo нашри хабарига кўра, 27 ёшли даниялик Жюль Кунденинг ўрнини асосий таркибда эгаллаши мумкин. Бош мураббий Хави Эрнандес шундай муҳим учрашувда Кристенсенга ишонишга мойил.
Эслатиб ўтамиз, "Атлетико" устидан қозонилган ғалаба "Барселона"нинг Испания чемпионатида учинчи ўринга қайтишига ёрдам бериши мумкин. Бу мавсумда Кристенсен Ла Лиганинг 14-туридан 11тасида майдонга тушди.
