"Ньюкасл" "Манчестер Юнайтед" устидан кетма-кет учинчи ғалабани қўлга киритди.
Эдди Хау шогирдлари Премьер-лиганинг 14-турида ўз майдонида манкунианликлар устидан ғалаба қозонди - 1:0.
"Манчестер Юнайтед" охирги марта 26 февраль куни Лига кубогида "қарғалар"ни мағлуб этганди - 2:0. Ўшандан бери "Ньюкасл" Премьер-лигада худди шундай ҳисобда ғалаба қозонган, кейин Лига кубогида "Манчестер Юнайтед"ни мағлуб этган (3:0) ва энди минимал ҳисобда ғалаба қозонди.
Бугунги ўйинда мезбонлар рақиб дарвозаси томон 22 та зарба йўллашди - меҳмонлар эса 7 та. "Юнайтед" фақат бир марта нишонга аниқ зарба берди ва бу биринчи бўлимда содир бўлди.
