«Манчестер Юнайтед» бош мураббийи Эрик тен Хаг Англия чемпионатининг 14-тури доирасида бўлиб ўтган «Ньюкасл»га қарши ўйин (0:1) борасида ўз фикрини билдириб ўтди.

«Биринчи бўлим биз учун оғир бўлди. Дастлабки 45 дақиқаликдан қониқиш ҳосил қилмадим. Учрашув сўнгида эса ўйинга яхши қайтдик. Эртага жамоа билан гаплашиб оламиз. Кейинги ўйинга тайёргарлик кўришимиз керак.

Энг кўп хавф нимадан иборат? Биз гол уриш имкониятларга эга бўлдик. Гол урдик, аммо офсайд бор эди. Яна гол уришимиз мумкин эди. Рэшфорд билан эса алоҳида гаплашиб оламиз.

Мағлубият биз учун жуда ёмон бўлди, аммо бирдам бўлишимиз керак. Бизда аниқ режа бор ва ишлашда давом этамиз», – деди мураббий.