"Манчестер Юнайтед" ярим ҳимоячиси Донни ван де Бекга учта клуб қизиқмоқда, улардан бири Англия Премьер-лигасида ўйнайди.
Tuttojuve нашри хабарига кўра, нидерландиялик футболчини "Ньюкасл", Туриннинг "Ювентус" ва Туркиянинг "Галатасарой" клублари ўз сафига қўшиб олмоқчи.
Эслатиб ўтамиз, Ван де Бек аввалроқ январь ойида "Манчестер Юнайтед"ни доимий равишда тарк этишга тайёрлигини билдирган эди. Ярим ҳимоячи керакли миқдордаги ўйин амалиётига эга бўлмаяпти, шунинг учун у бошқа жамоага кетишга тайёр.
Ван де Бек "Манчестер Юнайтед"да 2020 йилнинг ёзидан Амстердамнинг "Аякс" клубидан кўчиб ўтганидан бери ўйнамоқда. 26 ёшли нидерландиялик футболчи жорий мавсумда АПЛда атиги икки дақиқа ўйнади.
