"Реал Мадрид" ярим ҳимоячиси Жуд Беллингем ҳар йили сайёрамизнинг энг яхши ёш футболчисига бериладиган "Golden Boy" мукофотини олади. Журналист Мигель Анхел Торибио берган хабарга кўра, англиялик футболчи ўз совринини эртага, 4 декабрь куни қабул қилиб олади.
Эслатиб ўтамиз, Беллингем мавсум бошида France Football талқинига кўра йилнинг энг яхши ёш футболчиси совринини "Олтин тўп"ни топшириш маросимида олганди.
Ёзда Беллингем Дортмунднинг "Боруссия" жамоасидан 103 миллион евро эвазига "Реал"га ўтган эди. Эндиликда 20 ёшли Жуд 13 учрашувда 11 та гол ва 2 та голли узатма билан Испания чемпионатининг энг яхши тўпурари бўлиб турибди.
