Ҳакамлик можаролари инглиз футболида ҳам учраб туради.
Якшанба куни «Манчестер Сити» ва «Тоттенхэм» 3:3 ҳисобида дуранг ўйнади. Ўйин сўнгида, қўшиб берилган тўртинчи дақиқада «шаҳарликлар» ҳакам Саймон Хуперга адолатли саволлар беришди.
Мезбонларнинг ҳужуми вақтида майдоннинг марказий қисмида меҳмон футболчиси Эрлинг Холандга нисбатан қоидани яққол бузди. Ҳакам аниқ қўл ишораси билан тўп жамоа назорати остида қолгани сабабли «Манчестер Сити» ҳужумни давом эттириши мумкинлигини кўрсатди. Холанд ўрнидан турди ва тўпни олдинга узатди ва Жек Грилишни дарвозабон билан яккама-якка ҳолатга чиқарди.
Бироқ тўсатдан ҳакам ҳуштаги чалинди... У Холандга қарши қоидабузарлик содир бўлганини қайд этди, аммо аввалроқ унинг ўзи ўйинни давом эттиришга рухсат берганди.
