Hakamlik mojarolari ingliz futbolida ham uchrab turadi.
Yakshanba kuni «Manchester Siti» va «Tottenxem» 3:3 hisobida durang o‘ynadi. O‘yin so‘ngida, qo‘shib berilgan to‘rtinchi daqiqada «shaharliklar» hakam Saymon Xuperga adolatli savollar berishdi.
Mezbonlarning hujumi vaqtida maydonning markaziy qismida mehmon futbolchisi Erling Xolandga nisbatan qoidani yaqqol buzdi. Hakam aniq qo‘l ishorasi bilan to‘p jamoa nazorati ostida qolgani sababli «Manchester Siti» hujumni davom ettirishi mumkinligini ko‘rsatdi. Xoland o‘rnidan turdi va to‘pni oldinga uzatdi va Jek Grilishni darvozabon bilan yakkama-yakka holatga chiqardi.
Biroq to‘satdan hakam hushtagi chalindi... U Xolandga qarshi qoidabuzarlik sodir bo‘lganini qayd etdi, ammo avvalroq uning o‘zi o‘yinni davom ettirishga ruxsat bergandi.
