"Барселона" ярим ҳимоячиси Френки де Йонг Ла Лига чемпионлиги учун курашдан умидлари билан ўртоқлашди. Эслатиб ўтамиз, “кўк-анорранглилар” ва биринчи ўрин ўртасидаги фарқ ҳозирда тўрт очкони ташкил этади. Испания чемпионатида пешқадамликни бир хил очкога эга “Жирона” ва “Реал” бўлишиб турибди.
"Бу мавсумда биз мутлақо кераксиз очко йўқотишларга йўл қўйдик. Умид қиламанки, Ла Лиганинг кейинги турларида биз «Жирона» ва «Реал» билан фарқни йўқотамиз", - дея де Йонгдан иқтибос келтиради Ziggo Sport.
"Барселона" кеча "Атлетико Мадрид"ни Жоау Феликснинг голи эвазига минимал ҳисобда мағлуб этиб, Ла Лига турнир жадвалида учинчи ўринга кўтарилиб олди.
