Испания Қироллик кубогининг чорак финал дастлабки учрашувлари кеча бошланганидан хабарингиз бор. Илк учрашувда Мадриднинг "Реал" клуби "Валенсия" дарвозасига жавобсиз икки тўп йўллаб, жавоб учрашуви олдидан яхши имокният ҳосил қилиб олган эди.
Бугун чорак финалнинг дастлабки учрашувларидан яна иккитаси бўлиб ўтди.
"Камп Ноу"да "Барселона" уч кунгина муқаддам Ла-Лига доирасида меҳмонда 3:1 ҳисобида ютиб келган "Малага"ни қабул қилди.
Учрашувнинг 25-дақиқасидаёқ меҳмонлар ҳисобни очишди. "Малага" яримҳимоячиси Тиаго Алкантаранинг қўпол хатосидан фойдаланиб Пинто дарвозасини нишонга олди. Сўнг беш дақиқа ичида каталонияликлар ҳисобда олдинга чиқиб олишди. Аввалига Месси 50 метр масофадан 4 футболчини алдаб обориб дарвозани аниқ нишонга олган бўлса, дақиқа ўтмай Бурчакдан ҳаволатилган тўпни жамоа сардори Пуйоль боши билан рақиб дарвозасига йўналтирди.
75-дақиқада "Малага" 1 киши кам бўлиб қолди — Педрога нисбатан сўнгги умид фолини ишлатгани учун Начо Монреаль тўғридан тўғри қизил карточка билан жазоланди. Шунга қарамасдан, меҳмонлар дуранг натижага эришдилар — ўйин асосий вақтининг сўнгги дақиқасида Игнасио Камачо жарима зарбасидан узатилган тўпни Пинто қўриқлаётган дарвозага буриб юборди.
Жавоб учрашуви Малагада 23 январь куни бўлиб ўтади.
Яна бир учрашувида Уиаи Эмери дебют қилди. "Севилья" бошқарувига келган испаниялик мураббий шогирдлари меҳмонда "Реал Сарагоса"га қарши майдонга чиқишди ва учрашувда дарвозалар дахлсизлиги сақланиб қолинди.
Қироллик кубоги чорак финалининг яна бир дастлабки учрашуви эртага "Атлетико" Мадрид ва "Реал" Бетис жамоалари ўртасида тунги 02:00 да бошланади.
ИСПАНИЯ ҚИРОЛЛИК КУБОГИ. 1/4 ФИНАЛ. ДАСТЛАБКИ ЎЙИНЛАР
БАРСЕЛОНА (Барселона) – МАЛАГА (Малага) 2:2 (2:1)
Голлар: Итурра, 25 (0:1); Месси, 29 (1:1); Пуйоль, 30 (2:1); Камачо, 90 (2:2).
Огоҳлантиришлар: Санчес, 11; Месси, 34 – Элизеу, 38; Санчес, 82; Фернандес, 90+3.
Четлатиш: Йўқ – Монреаль, 75.
САРАГОСА (Сарагоса) – СЕВИЛЬЯ (Севилья) 0:0
Огоҳлантиришлар: Гонсалес, 26; Паредес, 84 – Навас, 40; Мадуро, 73.
