“Манчестер Сити” – “Тоттенхэм” учрашувида йўл қўйган хатоси учун ҳакам Саймон Хупер жазоланмайди.
Эслатиб ўтамиз, Жек Грилиш “шпорлар” дарвозабони билан яккама-якка чиқиб кетаётган вазиятда, ҳакам Эрлинг Холандга нисбатан қўполлик қайд этиб, ўйинни тўхтатган эди. Бу ўйиннинг сўнгги дақиқаларида 3:3 ҳисоби қайд этилаётган пайтда юз берди ва финал ҳуштагигача ҳисоб бошқа ўзгармади. Бу воқеа жиддий норозиликларга сабаб бўлди, бироқ хатонинг асосий сабаби "инсон омили" деб тан олинди, ҳакам бу иши учун жазоланмади.
5-7 декабрь кунлари Англия Премьер-лигасининг 15-тур ўйинлари бўлиб ўтади. Чоршанба куни “Манчестер Сити” сафарда “Астон Вилла”га қарши баҳс олиб боради.
