Олдинроқ "Ювентус"да ишлаган "Интер" бош директори Жузеппе Маротта ўзининг энг қийин трансферини айтди.
Италиялик мутахассис 2010 йилдан 2018 йилгача “Ювентус” ижрочи директори лавозимида ишлаган. Функционернинг фикрича, Поль Погбанинг «Манчестер Юнайтед»дан трансфери унинг фаолиятидаги энг қийин битим ҳисобланади. Шартнома 2012 йилда бўлиб ўтган.
“Биз у билан шартнома имзолаганимизда Погба жуда ёш эди ва уни сотиб олиш жуда қийин бўлган. У "Юнайтед" билан шартномасини узайтирмади, кўплаб клублар уни кўришни хоҳлашди. Бундай шароитда музокаралар олиб бориш жуда қийин эди”, - деди Маротта.
Эслатиб ўтамиз, 2016 йилда Поль Погба "Манчестер Юнайтед"га қайтган эди. «Ювентус» франциялик футболчини сотишдан 105 миллион евро ишлаб олди.