Tiempo de Juego нашри хабарига кўра, Мадрид прокуратураси Винисиус Жуниор футболкаси кийдирилган қора қўғирчоқни кўприкка осиб қўйган "Атлетико"нинг тўрт нафар мухлиси учун 4 йил қамоқ жазосини сўрамоқда.

Улар таҳдид қилиш ва футболчининг ҳуқуқ ва эркинликларига тажовуз қилишда айбланмоқда. Улар қамоқ жазосидан ташқари, маънавий зарар учун улардан 6 минг евро ундирмоқчи.

Суд санаси ҳали белгиланмаган.

Эслатиб ўтамиз, воқеа шу йилнинг январь ойида Испания кубоги 1/4 финали олдидан содир бўлганди. Қўғирчоқдан ташқари кўприк тепасида "Мадрид - "Реал" Мадридни ёмон кўради" деган баннер ҳам осиб қўйилган.