"Манчестер Сити"нинг собиқ ҳимоячиси Николас Отаменди ЖЧ-2022дан кейин Пеп Гвардиоланинг қўнғироғи ҳақида гапирди. Футболчининг сўзларига кўра, мураббий Аргентина терма жамоасининг менталитетидан ҳайратда қолган.
"Жаҳон чемпионатидан кейин Пеп Гвардиола менга қўнғироқ қилди. У 2:0 ҳисобидаги устунликни қўлга киритганимиздан кейин қандай қилиб ўша менталитетни сақлаб қолганимиз ва қандай қилиб қўшимча таймларда олдинги ўйнаганимиздек ўйнаганимизни сўради", - деди Отаменди ESPN билан суҳбатда.
Эслатиб ўтамиз, Аргентина терма жамоаси чорак финалда Нидерландияга қарши ўйинда икки тўп фарқи билан устунликни қўлдан чиқарган ва шундан сўнг пенальтилар сериясида ғалаба қозонганди.
