Маълумки, оғир атлетикачиларга ҳамиша шубҳа билан қарашган ва ўтмишда улар допинг билан боғлиқ айрим масалаларга аралашиб келган.
Бироқ, жорий йил 4-17 сентябрь кунлари Ар-Риёдда бўлиб ўтган Жаҳон чемпионати вақтида ўтказилган барча допинг синовлари манфий натижалар кўрсатди.
Бу шундан далолат берадики, оғир атлетикачилар ҳақидаги шубҳалар ҳозирги кунда ҳеч қандай асосга эга эмас.
Саудия Арабистони пойтахтида бўлиб ўтган жаҳон чемпионати нафақат спорт, балки Яқин Шарқдаги спортчиларнинг хатти-ҳаракатлари ҳам муваффақият қозонди, чунки барча допинг-тестлар манфий натижа берди.
Ар-Риёддаги мусобақада дунёнинг 61 давлатидан ташриф буюрган жами 213 нафар спортчи жиддий допинг назоратидан ўтди ва якунда уларнинг барчаси топширган тест натижалари манфий чиқди. Ушбу Жаҳон чемпионатида атлетлардан 213 та пешоб намунасига қўшимча равишда 82 та қон намунаси (синовларнинг тахминан 40%) тўпланган.
Саудиядаги дунё биринчилигида жами 692 нафар оғир атлетикачи иштирок этди ва уларнинг манфий допинг натижалари Париж-2024 Олимпия ўйинлари олдидан Халқаро оғир атлетика федерацияси учун ижобий кўрсатгич бўлди.
Федерациянинг барча аксилдопинг тадбирлари мустақил ўтказилиши учун масъул бўлган Халқаро Тест Агентлигидан муҳим ҳисоботни олгандан сўнг, федерация президенти Муҳаммад Жалоод ва ташкилот Бош котиби Антонио Урсо барча миллий федерацияларга миннатдорчилик нотасини ёзишди.
Бу янгилик ХОҚнинг оғир атлетикани (1896 йилдан бери мавжуд) 2028 йилги Лос-Анжелес Олимпиада ўйинлари дастурига қайтариш ҳақидаги тарихий қароридан икки ҳафта ўтиб келди. Шуни эсда тутиш керакки, оғир атлетика кўп йиллар давомида қатъий халқаро стандартларга мувофиқ допинг назоратини ўтказмаганликда, таъқиқланган моддалар билан спортчиларнинг мусобақаларда иштирок этишига йўл қўйишда ёки уларга ёрдам беришда (кўп миқдордаги намуналар, сохта сийдик намуналарини яшириш ва бошқа кўплаб коррупцион ҳаракатлар) гумон қилиниб келинаётган эди. Бу Халқаро Олимпия Қўмитаси оғир атлетика спорт турини 2028 йил Америка қитъасида ўтадиган Олимпия ўйинларидан четлаштирилишига олиб келди.
Шундан сўнг Халқаро оғир атлетика федерацияси кўп йиллардан буён биринчи марта ХОҚ ишончини қайтариш учун антидопингга қарши курашни биринчи ўринга қўйди, баъзи қоидаларга ўзгартиришлар киритди, мусобақадан ташқари синовлар анча қаттиқроқ бўлди. Уларни бузганлар Олимпия ўйинларидан четлаштирилиши белгилаб қўйилди.
Бундан хулоса қилиш мумкинки, нотўғри хатти-ҳаракат қилганлар жазоланади ва бу адолатдан. Бу Лос-Анжелес-2028 Олимпия ўйинларида қатнашиш имкониятидан маҳрум бўлиш нуқтаи назаридан ИWФ билан содир бўлди. Бироқ, ўтмишдаги хатоларини тан олган ва барча спортчилар учун белгиланган допинг қоидаларига риоя қилиш учун ўзгартиришлар киритишга интилаётганларга имконият бериш ҳам тўғри.
Федерациянинг бош мақсади Халқаро Олимпия қўмитаси томонидан илгари сурилаётган соғлом ва тоза спортни тарғиб қилиш ва бу орқали дунёнинг энг нуфузли спорт анжуманида яна иштирок этишдир.
