«Манчестер Юнайтед» январь ойида бирданига учта футболчисини сотишга тайёр. Журналист Мигел Делани хабарига кўра, «манкунианликлар» вингер Жейдон Санчо, марказий ҳимоячи Рафаэль Варан ва ярим ҳимоячи Каземиро бўйича таклифларни тинглашади.
Эслатиб ўтамиз, Санчо жамоадошлари ва бош мураббийи Эрик тен Хаг билан муносабатлари ёмонлашгани учун трансферга қўйилган.
Варан «Олд Траффорд»да кам ўйин амалиётига эга бўла бошлади ва Каземиро мавсум бошида ўзининг ёмон ўйини билан мураббийлар штабини хафа қилди.
Эслатиб ўтамиз, бразилиялик футболчи 2022 йилнинг ёзида «Реал»дан «Манчестер Юнайтед»га 70 миллион евро эвазига ўтган эди.
