«Manchester Yunayted» yanvar oyida birdaniga uchta futbolchisini sotishga tayyor. Jurnalist Migel Delani xabariga ko‘ra, «mankunianliklar» vinger Jeydon Sancho, markaziy himoyachi Rafael Varan va yarim himoyachi Kazemiro bo‘yicha takliflarni tinglashadi.
Eslatib o‘tamiz, Sancho jamoadoshlari va bosh murabbiyi Erik ten Xag bilan munosabatlari yomonlashgani uchun transferga qo‘yilgan.
Varan «Old Trafford»da kam o‘yin amaliyotiga ega bo‘la boshladi va Kazemiro mavsum boshida o‘zining yomon o‘yini bilan murabbiylar shtabini xafa qildi.
Eslatib o‘tamiz, braziliyalik futbolchi 2022 yilning yozida «Real»dan «Manchester Yunayted»ga 70 million yevro evaziga o‘tgan edi.