"Бавария" ҳимоячиси Альфонсо Дэвис шартномасини узайтириш учун маошини сезиларли даражада оширишни талаб қилмоқда. Бу ҳақда Bild нашри хабар бермоқда.
Амалдаги келишувга кўра, футболчи йилига 9 миллион евро олади. Аввалроқ, футболчи клуб билан маошини 12 миллионга ошириш бўйича дастлабки келишувга эга эди.
Мюнхенда раҳбарият алмашганидан кейин канадалик футболчининг позицияси ҳам ўзгарди. Энди у йилига 15 миллион евро талаб қилмоқда. Бу мюнхенликларнинг энг кўп маош олувчи футболчилари даражасига тўғри келади.
Агар "Бавария" Дэвиснинг шартларини бажармаса, у янги шартнома имзоламайди. Томонлар ўртасидаги амалдаги келишув 2025 йилнинг июнигача амал қилади.
Мадриднинг “Реал” клуби 23 ёшли ҳимоячига қизиқиш билдирмоқда. Мюнхенликлар футболчини қандай шароитда қўйиб юбориши мумкинлиги аввалроқ маълум қилинганди.
