"Бавария" жамоаси ҳужумчиси Томас Мюллер билан янги меҳнат шартномаси бўйича музокара ўтказмади.
Журналист Кристиан Фалкнинг хабарига кўра, томонлар ўртасидаги музокараларнинг биринчи раунди Мюнхеннинг катта қисмида транспорт ҳаракатига тўсқинлик қилган қор ёғиши сабабли қолдирилган. Бироқ жамоанинг спорт директори Кристоф Фройнд раҳбарият билан биргаликда футболчи билан шартномани Рождествога қадар узайтирмоқчи, дея қайд этади манба.
Эслатиб ўтамиз, 34 ёшли Мюллер бутун фаолиятини "Бавария"да ўтказган. Унинг клуб билан амалдаги шартномаси жорий мавсум охирида якунига етади.
Transfermarkt портали хабарига кўра, ҳужумчининг нархи 12 миллион еврони ташкил қилади.
