Аргентинада ўсмирлар ўртасидаги ўйинда футболчини пичоқлаган ҳакам Ремижио Армоа полиция томонидан қўлга олинди. Бу ҳақда Goal.com портали журналистлари хабар бермоқда.

Бу кўплаб ўйинчилар ҳакамни ўраб олганидан кейин содир бўлди. Ҳакам пичоқли қурол ишлатишга қарор қилди ва ўйинчилардан бирини кўкрагига пичоқ билан уриб жароҳатлади.

Шифокорларнинг тезкор аралашуви туфайли футболчи қутқариб олинди ва унинг соғлиги хавф остида эмас.

Аргентина ҳуқуқ-тартибот идоралари воқеа юзасидан текширув бошлади.