“Жирона”нинг икки украиналик футболчиси “Барселона” дарвозасига гол уюштиришди.
Ла Лиганинг 16-туридан ўрин олган “Барселона” – “Жирона” (1:2, биринчи бўлим) учрашувининг 12-дақиқасида ҳужумчи Артём Довбик вингер Виктор Циганковнинг узатмасидан гол урди.
Довбик Испания чемпионатининг 15 учрашувида 8 та гол урди ва 4 та голли узатмани амалга оширди. У гол+пас тизимида фақат “Реал” футболчиси Жуд Беллингемдан (12+2) ортда қолган ҳолда иккинчи ўринни эгаллаб турибди.
Циганков ҳисобида 14 ўйинда 3 гол ва 3 голли узатма бор.
