"Барселона" бош мураббийи Хави Эрнандес жамоасининг "Жирона"дан учралган мағлубиятини (2:4) изоҳлади.
"Ўйлайманки, ўйин тенг кечди, ҳаммасини кичик деталлар ҳал қилди. Биз яхши ўйин ўтказдик, аммо самарали бўла олмадик. Агар "Барселона" ғалаба қозонганида, ҳеч ким буни адолатсизлик деб айтмаган бўларди. Ҳимоядаги хатолар ва ёмон ўйинлар туфайли мағлуб бўлдик.
Менимча, биз тахминан 30 марта зарба бердик. “Жирона” биздан дадилроқ ва самаралироқ эди.
Биз ажойиб рақибга қарши турдик. Энди “Жирона” биздан етти очко олдинда – Мичел ва унинг ўйинчилари ажойиб иш қилишди”, - дея Хавидан иқтибос келтиради Barca Universal.
