Португалиялик машҳур футбол агенти Жорже Мендеш "ПСЖ" ва Франция терма жамоасининг 17 ёшли ярим ҳимоячиси Уоррен Заир-Эмерининг ўйинлари ҳақида фикр билдирди.
“У аллақачон дунёнинг энг яхши ярим ҳимоячиларидан бири. Албатта, Заир-Эмери энг яхши футболчилардан бирига айланади. Балки бир кун келиб Уоррен "Олтин тўп"ни қўлга киритар. Бу болалар учун ажойиб ўрнак - у 17 ёшда ва у нима қилишни ва қандай қилишни аллақачон билади", - дея Мендеш сўзларини келтиради DFFN.
17 ёшли Заир-Эмери илк бор Франция терма жамоасига чақирилди. У Гибралтарга қарши (14:0) Евро-2024 саралаш баҳсида асосий таркибда майдонга тушди, дебют голини урди ва жароҳати сабаб 20-дақиқада алмаштирилди.
Жорий мавсумда ярим ҳимоячи "ПСЖ" сафида 16 та ўйинда майдонга тушиб, 2 та гол урди ва 5 та голли узатмани амалга оширди.
