Истанбулнинг “Бешиктош” клуби бирданига беш нафар футболчисини жамоадан чиқариб юборди. Бу ҳақда клуб матбуот хизмати хабар берди.
Ушбу рўйхатга Винсент Абубакар, Эрик Байи, Валентин Розиер, Рачид Геззал ва Жан Онана киради. Бу беш нафари ёмон ўйин кўрсатгани учун жамоадан четлатилган. Клубдан маълум қилишларича, улар жамоа таркибини қайта қуриш устида иш бошлаган.
Туркия чемпионатининг 15-тури якунларига кўра, “Бешиктош” 26 очко жамғариб, турнир жадвалида бешинчи ўринни эгаллаб турибди. Жамоа пешқадам “Фенербахче”дан 14 очко ортда қолмоқда. Суперлигадаги навбатдаги ўйинни “бургутлар” “Ризеспор”га қарши ўтказади.
