"Севилья" Чемпионлар лигаси гуруҳ босқичи 6-тури доирасидаги "Ланс"га қарши ўйин учун жамоа мухлислари Францияга киритилмаса, УЕФАга шикоят қилишини маълум қилди.
Аввалроқ Франция ички ишлар вазири Жеральд Дарманин испан клуби мухлисларига "Ланс" билан учрашувга келишни тақиқлашни режалаштираётгани ҳақида маълум қилганди. Бу қарор мухлислар тўқнашуви хавфи ортиши билан боғлиқ – Франция чемпионатининг 14-тур ўйини олдидан "Нант" мухлиси фанатлар ўртасидаги муштлашувда ҳалок бўлди.
"Севилья" бу чорага қарши чиқмоқда, чунки у мутаносиб ва асоссиз чоралар туфайли мухлислар ва умуман футбол зарар кўрмоқда, деб ҳисоблайди.
"Севилья" Испания ҳукумати билан ушбу тақиқнинг олдини олиш учун музокаралар олиб бормоқда, чунки кўплаб мухлислар "Ланс" ўйинини томоша қилиш учун Францияга парвозлар ва саёҳатларни амалга оширишган.
"Севилья" ўз мухлисларига зарар етганига ишонади. Бу мухлислар саёҳати ҳақида гап кетганда хавфли прецедент яратади. Клуб УЕФАга олдиндан огоҳлантирмасдан ва деярли ҳеч қандай муносабат билдириш имкониятисиз амалга оширилган процедура юзасидан расмий шикоятини юборади" - дейилади клуб расмий сайтида.
“Ланс” – “Севилья” учрашуви 12 декабрь, сешанба куни бўлиб ўтади.
