«Болонья» устози Тьяго Мотта келажакда «Милан»нинг янги бош мураббийи бўлиши мумкин.
FootMercato хабарига кўра, миланликлар жамоаси раҳбарияти 41 ёшли мутахассисни кузатиб бормоқда.
Маълум қилинишича, агар амалдаги бош мураббий Стефано Пиоли жамоадан бўшатилса, Мотта «Милан»ни бошқариши мумкин.
Олдинроқ, италиялик мураббийнинг хизматларига «Интер» ва «Ювентус» қизиқиш билдираётгани ҳақида маълумотлар пайдо бўлганди.
15 турдан кейин «Милан» 29 очко билан Италия чемпионати турнир жадвалида учинчи ўринда бормоқда. «Болонья» 5-ўринда, жамоа ҳисобида 25 очко бор.
